9 жаштагы Сумаяны өлүмүнө шектүү адам кармалды. Үрөй учурган окуянын чоо-жайы
Алдын ала маалыматтарга караганда, өлөр алдында баланы скотч менен байлап, бир нече күн муздак жер төлөдө кармашкан
Милиция кызматкерлери 9 жаштагы Сумаяны уурдап өлтүрүүгө шектүүнү кармашкан. Бул тууралуу Жалал-Абад облустук ички иштер башкармалыгынан билдиришти.
18-ноябрда Сузак РОВДга жергиликтүү тургун Сумая кызынын жоголгондугу боюнча арыз менен кайрылган. Маалым болгондой, ошол күнү кыз саат 12:40та үйдөн чыгып, мектепке кеткен бойдон дайынсыз болуп кеткен.
Милиция коомчулуктун өкүлдөрү менен биргеликте дайынсыз жоголгондордун жашаган жерин аныктоо боюнча бир катар иш-чараларды жүргүздү: гараждарды, кароосуз калган имараттарды текшеришти, 80ге жакын таксисттен сурамжылоо жүргүзүштү, 8 миңден ашуун кожолукту кыдырышты, 30га жакын видеокөзөмөл камераларын текшеришти.
27-ноябрда Арал айылына жакын Көк-Арт дарыясынын жээгинен белгисиз кыздын жансыз денеси табылгандыгы тууралуу милицияга жергиликтүү тургун кабарлаган. Өлүк сырткы кийими жок табылып, идентификация жүргүзүлдү - ал дайынсыз жоголгон Сумая экен.
Бул факты КЖБРде Кыргыз Республикасынын Кылмыш-жаза кодексинин 130 "Адам өлтүрүү" беренеси менен катталган. Экспертиза дайындалды.
Кызды уурдап өлтүрүүгө шектүүнүн өздүгү аныкталды. Ал Сузак районунун 48 жаштагы тургуну У.А аттуу жаран 10 жылдай ажырашып жүргөн жалгыз жашаган.
Алдын ала маалыматтар боюнча, 18-ноябрь күнү ал адам Сумаяны көрүп, үйүнө алдап киргизген. Андан кийин кол салган адам кызды бир нече күн үйүнүн жер төлөсүндө кармап турган. Ал баланы шылдыңдап, скотч менен байлап, суукта кармаган фактылар бар. Кыз бир нече күндөн кийин каза болгон. Кийинчерээк кылмыштын изин жашыруу үчүн кылмышка шектүү адамдын сөөгүн түн ичинде алып чыгып, дарыянын жээгине ыргытып жиберген. Ал кийим-кече жана окуу куралдарын өрттөгөн.
Учурда бул факты боюнча тергөө-ыкчам иш-чаралары жүргүзүлүүдө.
Сүрөт www