Билбейм, кантип мындай болуп кеткенин », - дейт ал. ЖКнын депутаты мамлекеттик кызматкерлердин эс алуусун көбөйтүүнү сунуштаган эмесмин деп ишендирүүдө
Жусупбек Коргонбай уулу чиновниктер тескерисинче кеңселерине керебеттерди жайып, ошол жерде иштеши керектигин айтты
Депутат Жусупбек Коргонбай уулу мамлекеттик кызматкерлердин эмгек өргүүсүн узартууну сунуштады деген маалыматты четке какты. Бул тууралуу парламентарий Конституциялык мыйзамдар, мамлекеттик түзүлүш, сот-укуктук маселелер жана парламенттин Регламенти боюнча комитеттин жыйынында билдирди.
«Мен буга караманча каршымын», - деп баса белгиледи эл өкүлү. -Шайлоодо чиновниктерди камчы менен иштөөгө мажбурлап, колдон келишинче мамлекетибиздин өнүгүшүнө салымымды кошом деп айткам. Добуш алып, депутат болдум. Анан бул жакка келип, аткаминерлерге эс алуу үчүн мыйзам долбоорун демилгелеген экен. Кантип мындай болгонун билбейм. Келгиле, аппаратты карап көрөлү. Балким юристтер же консультанттар ката кетирип, башка документтерди кол коюу менен өткөрүп беришкендир. Муну тактап беребиз. Тескерисинче, чиновниктер кеңселерине керебеттерди алып келип, ошол жерде иштей турган мезгил келди.
Эске салсак, анын алдында Жусупбек Коргонбай уулу мамлекеттик кызматкерлердин эс алуусун көбөйтүүнү сунуштаганы маалымдалган. Мыйзам долбоору коомдук талкууга чыгарылды.
Мамлекеттик кызматчылардын, саясий жана административдик мамлекеттик кызмат орундарын ээлеген адамдардын кесиптик ишмердигин стимулдаштыруу максатында мамлекеттик кызматта иштеген стажы, иш стажы үчүн сыйлык катары эмгек жана социалдык кепилдикти белгилөө сунушталды.
Сүрөт www