Клара Сооронкулова Марат Казакпаевдин өлүмү боюнча: Комиссия түзүү керек

Конституциялык палатанын мурдагы судьясы, экс-президенттикке талапкер Клара Сооронкулова Vesti.kg сайтына белгилүү саясат таануучу Марат Казакпаевдин өлүмү боюнча комментарий берди.

Адвокат саясат таануучунун өлүмүн иликтөө үчүн коомдук комиссия түзүлүшү керектигин айтууда. Сооронкулованын айтымында, Казакпаев УКМК тарабынан кыйноого алынган.

«Башынан эле бул айыптоо абсурддуу көрүнгөн», - деп эсептейт экс-президенттикке талапкер. - Казакпаев чыккынчылыкка тиешеси жок - ал өзүнүн кесиптик ишмердүүлүгү менен алектенген. Бир жыл мурун эле бөйрөгү иштебей калганына даттанган. СИЗОдо болбоого мүмкүндүк берген оорулардын тизмеси бар. Бул резонанс жаратат деп үмүттөнөм. Бизде көптөгөн укук коргоочулар, уюмдар бар – алардын баары жооп берип, Казакпаевди эмне үчүн өлтүрүшкөнүн объективдүү иликтөөнү талап кылышы керек. Бизге коомдук комиссия керек. Анын өлүмү үчүн УКМКнын жетекчилиги жооп бериши керек.

Эске салсак, анын алдында “Чыккынчылык” беренеси боюнча айыпталган саясат таануучу Марат Казакпаев комага түшкөнү белгилүү болгон. Ага III даражадагы гипертония, II даражадагы коркунучу жогору, аорта, мээ тамырларынын атеросклерозу диагнозу коюлган.

Улуттук коопсуздук боюнча мамлекеттик комитеттин басма сөз борбору Казакпаев дарыгерлердин көзөмөлүндө экенин жана тиешелүү дарылангандыгын ишендирди.

Бүгүн Марат Казакпаев каза болгону белгилүү болду. Саясат таануучу УКМКнын СИЗОсунда мамлекетке чыккынчылык боюнча козголгон кылмыш иши боюнча соттук териштирүүнү күтүп жаткан учурда инсульттан улам шаардык ооруканада каза болгон.

Ал 56 жашта болчу. Анын артында жаш баласы калды.

Элдос Казыбеков
Сүрөт www