УКМК журналист Канат Каниметовго Марат Казакпаевдин өлүмү боюнча маалымат таратканы үчүн эскертүү берди
ММК өкүлү атайын кызматтар жарандарды болгон окуяны талкуулабоого мажбурлоону каалап жатканын айтты
УКМК саясат таануучу Марат Казакпаевдин өлүмү боюнча маалымат таратканы үчүн «Апрель» каналынын журналисти Канат Каниметовго эскертүү берди. Бул тууралуу ал Vesti.kg сайтына билдирди.
«УКМКнын мындай реакциясы мен үчүн күтүүсүз болду», - деди Каниметов. «Анткени мен жөнөкөй журналистмин. Саясатчы же активист эмес. Менде андай амбиция жок. Мен эмнеге эскертүү алышым керек? Мен революция менен эмес, журналистика менен алектенем. Пост албетте антиконституциялык акцияларды козутуу максатында жазылган эмес. Мен дагы ар бир карапайым жарандай эле УКМКнын СИЗОсунда адамды комага жеткирген, өлүмгө дуушар кылганына нааразы болдум.
Журналист атайын кызматтын эскертүүсүн сөз эркиндигине кысым катары кабыл алды
«Бул өзгөчө журналист катары мага жана жалпы эле сөз эркиндигине басым жасоо аракети», - деп улантты ал. - Саясат таануучунун өлүмү боюнча расмий версия боюнча коомчулукта айтылып жаткан күмөн саноолорго мамлекеттик комитеттин жетекчилиги канчалык толкундануу менен мамиле кылып жатканын баарыбыз көрүп турабыз. Демек, чекисттердин максаты түшүнүктүү – биз унчукпай, болгон окуяны айтпайлы.
Белгилей кетсек, буга чейин журналист Фейсбук баракчасына Марат Казакпаевге «атайын жардам көрсөтүлгөн эмес» деп жазган.
Медина Купсулдаева
Фото www
Узнать больше: https://vesti.kg/politika/item/101016-gknb-vynes-preduprezhdenie-zhurnalistu-kanatu-kanimetovu-za-post-o-smerti-marata-kazakpaeva.html - ГКНБ вынес предупреждение журналисту Канату Каниметову за пост о смерти Марата Казакпаева - VESTI.KG - Новости Кыргызстана