Кыргызстандын Өзбекстандагы элчиси кыргызстандык студенттер менен жолугушту
Жаманбаев кыргыз элинин укуктарын жана кызыкчылыктарын коргоо жаатындагы элчиликтин ишмердүүлүгүнө токтолду
Кыргызстандын Өзбекстандагы элчиси Муса Жаманбаев кыргызстандык студенттер менен жолугушту
Ал элчиликтин кыргыз элинин укуктарын жана кызыкчылыктарын коргоо жаатындагы учурдагы ишмердүүлүгү тууралуу маалымат берип, ошондой эле өлкөлөр ортосундагы билим берүү тармагындагы кызматташуунун маанилүү аспектилерине кыскача токтолду.
Муса Жаманбаев студенттерди түрдүү маданий иш-чараларга, анын ичинде келерки жылы Кыргызстан менен Өзбекстандын ортосундагы дипломатиялык мамилелердин түзүлгөндүгүнүн 30 жылдыгын белгилөөнүн алкагында активдүү катышууга чакырды. Студенттердин көйгөйлөрүнө кызыгып, сунуштарын угуп, суроолоруна жооп берди.
Дипломат келген мамлекеттин мыйзамдарын жана жүрүм-турум нормаларын сактоо зарылдыгын белгиледи.
Студенттер өз кезегинде мындай жолугушууларды байма-бай өткөрүп турууга тилектеш экендигин билдиришти.
КРнын Өзбекстан Республикасындагы элчилигинин басма сөз кызматы
Сүрөт www