Садыр Жапаров жергиликтүү аткаминерлердин аткаруучулук тартибине нааразы
Президент айыл өкмөт башчыларынын, акимдер менен облустардагы ыйгарым укуктуу өкүлдөрдүн конкреттүү багыттар боюнча начар иштерине токтолду
Президент Садыр Жапаров министрлер кабинетинин төрагасы Акылбек Жапаровдун, министрлер кабинетинин мүчөлөрүнүн, президенттик аппараттын түзүмдүк бөлүмдөрүнүн жетекчилеринин, мамлекет башчынын облустардагы ыйгарым укуктуу өкүлдөрүнүн катышуусунда жумушчу кеңешме өткөрдү.
Анда аймактардын социалдык-экономикалык өнүгүүсү, президенттин жана министрлер кабинетинин жер-жерлерде кабыл алынган чечимдеринин жана тапшырмаларынын аткарылышы боюнча маселелер каралды. Ошондой эле аймактардын алдында турган милдеттер жана жакынкы келечектеги пландар, көйгөйлүү маселелерди жеринде тез арада чечүү талкууланды.
Мамлекет башчы аткаруучулук тартиптин жоктугун белгилеп, айрым учурларда айыл өкмөт башчыларынын, район акимдеринин жана президенттин аймактардагы өкүлчүлүгүнүн конкреттүү багыттарда чабал иш алып баргандыгын белгиледи.
Жапаров ошондой эле жер-жерлерде туризм тармагын мындан ары өнүктүрүү жана аймактар менен Туризмди өнүктүрүүнү колдоо фонду менен тыгыз кызматташуу маселелерине көңүл буруп, уставдык капиталы 1 млрд сомго чейин көбөйтүлдү.
Президент жергиликтүү өз алдынча башкаруу органдарынын жоопкерчиликсиз ишине жол берилбестигин эске салып, борбордук бийликтин чечимдеринин аткарылышына көзөмөлдү күчөтүүнү тапшырды. Мамлекет башчысынын аймактардагы ыйгарым укуктуу өкүлдөрүнө курч маселелерди жеринде тез арада чечүү боюнча бир катар тапшырмалар берилди.
Президенттин басма сөз кызматы
Сүрөт www