Баткен облусундагы маданият жана спорт объектилери эми республикалык бюджеттен каржыланат
Тиешелүү чечим министрлер кабинетинин жыйынында кабыл алынды
Мурда жергиликтүү бюджеттен каржыланып келген Баткен облусундагы маданият жана спорт объектилери эми республикалык бюджеттен каржыланат. Тийиштүү чечим Кыргыз Республикасынын Министрлер Кабинетинин кеңешмесинде кабыл алынды.
Бул чечим «Баткен облусунун статусу жөнүндө» Кыргыз Республикасынын Мыйзамын ишке ашырууга багытталган.
Мындан улам жана Кыргыз Республикасынын Бюджеттик кодексинин 115-беренесине ылайык, 2022-жылдын 1-январынан тартып Баткен облусунун жергиликтүү бюджеттерден каржылануучу маданият жана спорт объекттерин Кыргыз Республикасынын Маданият, маалымат, спорт жана жаштар саясаты министрлиги аркылуу республикалык бюджеттен каржылоого өткөрүү чечими кабыл алынды.
Министрлер кабинетинин маалымат кызматы
Фото www