Кара-Көл шаарынын мэри ишенимсиздигинен улам кызматынан бошотулду: Кызматтан кетүүмдүн так себебин билбейм
Алмазбек Балташов ишенимден чыгуу анын ишинде болбогон кызматтык иликтөөнүн негизинде жарыяланып жатканын белгиледи
Бүгүн Кара-Көл шаарынын мэри Алмазбек Балташовго ишеним жоголгондугуна байланыштуу ээлеген кызматынан бошотулганы белгилүү болду. Тиешелүү буйрукка президент Садыр Жапаров кол койду.
Маалым болгондой, мэр президенттин Жалал-Абад облусундагы ыйгарым укуктуу өкүлү Абсаттар Сыргабаевдин сунушунун негизинде ээлеген кызматынан бошотулган.
Ал арада Алмазбек Балташов өзү Vesti.kg сайтына курган маегинде аны мэрликтен бошотууга конкреттүү эмне негиз болгонун билбей турганын мойнуна алды. Анын айтымында, ишенимди жоготуу кызматтык иликтөөнүн негизинде жасалып, бирок ал жүргүзүлгөн эмес.
- Мени ыйгарым укуктуу өкүлдүн сунушу менен жумуштан кетиришти, - деп эскертти Балташов. - Эч кандай жүйөлүү себептер болгон жок. Мен азырынча так себебин билбейм. Ишенимден ажыратуу кызматтык териштирүүнүн же текшерүү актынын негизинде жүргүзүлөт. Ыйгарым укуктуу өкүлдүн өкүлчүлүгүнө эмне негиз болгонун дагы деле билбейм. Алар мага белгисиз тургундардан арыз түшкөнүн айтышты.
Ошол эле учурда экс-мэр президенттин чечимине баа берүүдөн баш тартты.
"Эгер ушундай чечим кабыл алган болсо, анда бул зарыл болгон", - деп жыйынтыктады ал.
Элдос Казыбеков
Сүрөт www