Облустук активисттер Садыр Жапаровдон биригүү эркиндигин берүүнү суранууда

Кыргызстандын аймактарынан келген активисттер коомго жана президент Садыр Жапаровго биригүү эркиндигин чектебөө жана бейөкмөт уюмдар жөнүндөгү мыйзамды кайра карап чыгуу өтүнүчү менен кайрылышты. Бул тууралуу Vesti.kg сайтына «Бир дүйнө Кыргызстан» укук коргоо кыймылынан билдиришти.

Кайрылууда жергиликтүү депутаттар жана активисттер аялдар менен кыздар күн сайын патриархалдык мамилеге, гендердик басмырлоого дуушар болуп жатканын белгилешти.

«Аялдар жана кыздар күн сайын патриархалдык нормаларга, үй-бүлөлүк зордук-зомбулукка, сексуалдык асылууга, эмгек эксплуатациясына, ден-соолукка, өмүргө, билимге жана алардын өнүгүүсүнө коркунуч туудурган гендердик стереотиптерге туш болушат», - дешет «Бир Дүйнө Кыргызстан» Аялдардын Лидерлик мектебине катышкан активисттер.

Активистке талаптар:

- Кыргызстандын адам укуктары чөйрөсүндөгү эл аралык милдеттенмелерин эске алуу менен бейөкмөт уюмдар жөнүндө Кыргыз Республикасынын жаңы мыйзамын контролдун жана бирикмелердин эркиндигин чектөөнүн кошумча механизмдерин жана инструменттерин алып салуу максатында кайра карап чыгуу;

- аялдардын горизонталдык лидерлигин колдоо программаларын жана аялдардын коомдук турмушка катышуусун жана ролун күчөтүү үчүн жергиликтүү кеңештердин депутат айымдарына, коомчулуктун лидерлерине колдоо көрсөтүү;

- Аялдардын укуктарын илгерилетүү, аларды коомдук жана саясий турмушка тартуу үчүн ЕБ преференциялары плюс (ВСП+) мүмкүнчүлүктөрүн пайдалануу;

- Аялдарга карата зомбулукту азайтуу жана алдын алуу, ошондой эле Кыргызстанда аны ишке ашырууга аялдарды тартуу боюнча №1325 токтомун ишке ашыруу;

- Жамааттардагы лидер аялдардын ишин колдоо жана таануу, аялдардын лидерлиги жана саясий катышуу үчүн өнөктөштүк тармактарды түзүү боюнча демилгелерди колдоо.

Элдос Казыбеков
Фото vesti.kg