Кыргызстан энергетика тармагын модернизациялоо үчүн 50 миллион доллар насыя алууну көздөөдө

Кыргызстан энергетика тармагын модернизациялоо үчүн 50 миллион доллар насыя алууну көздөөдө. Бул тууралуу депутат Дастан Бекешев социалдык тармакка жазды.

Анын айтымында, насыяны 50 жылга алуу пландалууда.

«Биз 38 жылга 50 миллион доллар насыя алып жатабыз, башкача айтканда, өлкө 2060-жылга чейин төлөөгө аргасыз», - деди депутат. «Келишим электр тармагындагы тарифтик саясаттын өзгөрүшүнө ишарат кылат, кыязы, көтөрүлүш болот».

Ал түшүндүргөндөй, 10 миллион доллар бөлүштүрүүчү тармактарды реабилитациялоого жана модернизациялоого, 35 миллион доллар бөлүштүрүүчү тармактарды санариптештирүүгө жумшалат. Калган акча энергетика тармагындагы реформаларга жумшалат. Келишим бүгүн парламенттин бюджет комитетинин жыйынында каралат.

Өз кезегинде энергетика боюнча эксперт Расул Умбеталиев бул сумма тармактагы абалды көп деле өзгөртө албайт деп эсептейт.

«Эгемендүүлүк жылдарында өлкөбүз энергетика тармагына 1,5 миллиард доллардан ашык насыя алды», - деп эскерет ал Vesti.kg сайты менен болгон маегинде. - Бирок тармак дагы эле кейиштүү абалда, жабдыктардын дээрлик 80 пайызы эскирген. Мындай абал каражатты максатсыз пайдалануудан улам келип чыккан. Бишкек ТЭЦин реконструкциялоону эстесек жетиштүү болот. Бул жайдан жүздөгөн миллион долларлар уурдалганын баары билет.

Расул Акматович кошумчалагандай, насыяга акча алуу аздык кылат – кадр саясатын өзгөртүү керек.

«Энергетика тармагын сабатсыз, тажрыйбасыз, коррупционерлер башкарып турса, эч нерсе өзгөрбөйт», - деп жыйынтыктады ал.

Вероника Таранцева

Сүрөт www