Өзбекстан Орусияга каршы санкцияларга кошулууга даяр

Өзбекстандын бийликтери Орусияга каршы санкцияларды аткарууну каалаарын жана аларды кыйгап өтүүчү өлкө болгусу келбей турганын ырастады, деп билдирди АКШнын Ташкенттеги элчиси Дэниел Розенблюм. Анын айтымында, өлкө өкмөтү санкциялык режим боюнча АКШ менен кеңешкен.

Сентябрдын башында АКШнын Каржы министрлиги Өзбекстанды, Кыргызстанды, Казакстанды, Тажикстанды жана башка бир катар мамлекеттерди Орусия менен Беларуска импорту санкциялар менен чектелген товарларды жеткирүүгө боло турган өлкөлөрдүн тизмесине киргизген.

АКШнын Ташкенттеги элчиси Дэниел Розенблюм Alter Ego гезитине берген интервьюсунда тизмеге негизинен Орусия менен активдүү ишкер мамиледе болгон өлкөлөр киргенин айтты.

"Ошентип, бул мүмкүн болуучу тобокелдик катары каралат, бул айыптоо же далил болбошу керек, бул жөн гана тобокелдик", - деп түшүндүрдү ал.

Анын айтымында, Өзбекстандын өкмөтү «бизге абдан ачык ырастады жана мен ачык эле ойлойм, алар санкцияларга баш ийүүнү каалайт жана өзбек компаниялары экинчи даражадагы санкцияларга дуушар болушун каалабайт».

«Ошондой эле алар Өзбекстандын санкцияларды айланып өтүү пункту катары колдонулган качкындардын өлкөсүнө айланышын каалабайт. Жана алар санкциялык режим боюнча биздин эксперттер менен, биздин Финансы министрлиги жана Коммерция министрлиги менен абдан кылдаттык менен кеңешишти... Бул маселе боюнча алар да жеке юридикалык фирмалар, эксперттер менен кеңешишти окшойт. Ошондуктан, менимче, өкмөт санкциялардан качууга көмөктөшпөө идеясына берилген», - деди дипломат.

АКШнын Мамлекеттик департаменти Өзбекстандын Procomplektlogistic компаниясына орусиялык ишканаларга киргизилген санкциялык режимди бузганы үчүн чектөө киргизгенин мурда кабарлаганбыз. Ал башка өлкөлөрдүн компаниялары менен бирге "Россиянын аскердик-өнөр жай комплексин колдогон" деген шек менен "кара тизмеге" кирген.

"Бул статусту жеке менчик Promcomplektlogistic компаниясына берүү бүткүл дүйнө боюнча коммерциялык кызыкдар тараптарга эскертүү катары кызмат кылышы керек: эгер сиз санкциялар астында турган юридикалык жактар ​​же жеке адамдар менен иш алып барсаңыз, санкцияга кабылуу коркунучу бар", - деп айтылат АКШнын Мамлекеттик департаментинин билдирүүсүндө.

Апрель айында өзбек банктары орусиялык санкцияга кабылган банктарга насыяларды төлөөдө экинчи катардагы санкциялардын тобокелдигине жол бербөө үчүн эл аралык консультанттарды тарткан.

Казакстандын тышкы иштер министри Мухтар Тлеуберди да өлкөнү Орусияга каршы санкцияларды айланып өтүү үчүн колдонбоо керектигин белгиледи.

Сүрөт www