Надира Нарматова Кыргызстандын Орусиядагы элчисинин ЖКнын жыйынына катышуусун камсыздоону талап кылды
Эл өкүлү эмгек мигранттарынын көйгөйлөрүн тез арада чечүү керектигин айтты
Бүгүн Жогорку Кеңештин жыйынында депутат Надира Нарматова президенттин парламенттеги өкүлүнөн КР Орусиядагы элчисинин Жогорку Кеңештин кезектеги жыйынына катышуусун камсыздоону суранды.
«Биз Кыргызстанда жумуш орундарын түзө албагандыктан, жок дегенде эмгек мигранттарына жакшы шарттарды түзүп беришибиз керек», - деди Нарматова президенттин өкүлүнө. - Кыргыз Республикасынын Россия Федерациясындагы элчисинин, Тышкы иштер министрлигинин кызматкерлеринин, ошондой эле Россиядагы кыргыз диаспорасынын өкүлдөрүнүн Жогорку Кеңештин кезектеги отурумуна катышуусун камсыздоо боюнча протоколдук тапшырманы кабыл алууну суранам. Бул жерде баарыбыз чогуу бардык проблемаларды карап чыгып, аларды чечүү үчүн чараларды көрөлү деп.
Ислам Жолдошов
сүрөт www