УКМК Фейсбукта диний-экстремисттик жана террористтик уюмдардын материалдарын ачыктады (фото)
Экстремисттердин үйлөрү тинтүүгө алынды
УКМКнын Ош шаары жана Ош облусу боюнча башкы башкармалыгы тарабынан Кыргыз Республикасынын Кылмыш-жаза кодексинин 332-беренесинин 1-бөлүгү (экстремисттик материалдарды даярдоо, таратуу) менен козголгон кылмыш ишинин алкагында Фейсбук социалдык тармагында тыюу салынган диний-экстремисттик жана террористтик уюмдардын материалдары таратылып жаткандыгы аныкталган.
Теологиялык экспертизанын жыйынтыгы менен жарыяланган материалдарда «Хизб-ут-Тахрир аль-Ислами» диний-экстремисттик уюмунун символдору аныкталган, ошондой эле дүйнө жүзү боюнча ислам халифатын курууга багытталган чакырыктар камтылган.
7-сентябрь күнү Ош облусунун Кара-Суу районундагы «Хизб-ут-Тахрир» РКУнун Ноокат району боюнча 6 активдүү мүчөсү, «Хизб-ут-Тахрир» РКУнун 1 активдүү мүчөсү Кызыл-Суу районунун жашаган жеринен жана 1 активдүү мүчөсүн издөө иштери Баткен облусунун Кызыл-Кыя шаарында жүргүзүлгөн.
Электрондук алып жүрүүчүлөр (флешкалар, дисктер), диний мүнөздөгү адабияттар алынды, алар боюнча жогорудагы кылмыш ишинин алкагында тиешелүү экспертизалар дайындалат.
УКМКнын басма сөз борбору
УКМКнын сүрөтү