Бишкекте “Жалган (жалган) маалыматка даттануу жөнүндө” мыйзамдын аткарылышы жана журналисттерге козголгон кылмыш иштери тегерек столдо талкууланат

2022-жылдын 14-сентябрында Бишкекте “Кыргызстандагы сөз эркиндиги: жаңы чакырыктар” темасында тегерек стол өтөт. Иш-чараны Кыргызстан медиаларынын платформасы жана“ Журналисттер” коомдук бирикмеси IFEXтин каржылык колдоосу менен уюштурууда.

Тегерек столдун биринчи бөлүгүндө “Анык эмес (жалган) маалыматтан коргоо жөнүндө” Кыргыз Республикасынын Мыйзамынын ченемдеринин аткарылышы жана анын ЖМК ишмердүүлүгүнө тийгизген таасири, белгилүү редакциялардын сайттарынын иштерин токтотуу жөнүндөгүчечимдердин мисалында талкууланат. Баяндамачылар – Акмат Алагушев («Медиа полиси институту»), Махинур Ниязова («24.kg»), Замира Сыдыкова («Respublica»), Семетей Аманбеков («Bulak.kg»).

Жыйындын экинчи бөлүгүндө медиа өкүлдөрүнө карата кылмыш иштеринин темалары талкууланат.
Баяндамачылар: Дилбар Алимова («Политклиника»), Болот Темиров («Temirov Live»), Өмүрбек Сатаев («Next.TV»).
Тегерек столдун эки темасын тең талкуулоого катышууга мамлекеттик органдардын, медиауюмдардын, жарандык коомдун жана эксперттик коомчулуктун өкүлдөрү чакырылган.

Иш-чаранын жыйынтыгы боюнча корутунду документти кабыл алуу жана кол коюу каралууда.
Тегерек столдун өтүүчү жери жана убактысы: Бишкек ш., Орозбеков көч., 87, «Парк Отель», 2022-жылдын 14-сентябрында саат 9.30дан 13.00гө чейин.

Уюштуруучулар жөнүндө маалымат:

Кыргызстан медиаларынын платформасы – 68 мүчөсү бар өзүн-өзү башкаруучу уюм. Анын ичинде көз карандысыз ЖМК, журналисттер бирикмелеринин, коммерциялык эмес уюмдардын өкүлдөрү,активисттер, медиа эксперттер, блогерлер жана окутуучулар бар. Платформа 2021-жылдын 15-декабрында түзүлгөн.

Платформанын миссиясы: Сөз эркиндигине, пикирлердин плюрализмине жетишүү, жалпыга маалымдоо каражаттары, журналисттер, блогерлер, социалдык тармактардын колдонуучулары үчүн жагымдуу укуктук чөйрөнү түзүү боюнча биргелешкен иш-аракеттерди жүргүзүү; улуттук контентти өнүктүрүү,
журналистика тармагында билим берүүнүн сапатын жана медиа уюмдардын потенциалын жогорулатуу.
Платформа Кыргызстандагы сөз жана басма сөз эркиндигин коргоого багытталган аракеттерди бириктирүү максатында иштелип чыккан.

«Журналисттер» коомдук бирикмеси – 1998-жылдын 24-ноябрында түзүлгөн Кыргызстандын
алгачкы медиауюмдарынын бири. Жетекчиси – Нурдин Дүйшөнбеков.

Ишинин максаты: Журналисттердин кесиптик ишмердүүлүгүн коргоо, сөз жана басма сөз эркиндигинин принциптерин бекем тутуу, журналисттик кадрлардын кесипкөйлүгүн жогорулатуу.
Уюмдун кеңири тармагы бар, борбордо жана аймактарда жигердүү иш алып барат.

Кошумча маалымат алуу үчүн телефондор:
+996551513445 (Нурдин); +996777774233 (Махабат)

сүрөт www