КР Билим берүү министрлиги: Жабыркаган мектептердин окуучулары онлайн режиминде окушат
Чек арадагы жаңжал болгон жерде мектеп мугалимине ок тийген
Жабыркаган мектептердин окуучулары, ошондой эле эвакуациялангандардын балдары онлайн режиминде окушат. Бул тууралуу Vesti.kg сайтына КР Билим берүү жана илим министрлигинин басма сөз кызматы билдирди.
«Учурда штабда уюштуруу маселелери чечилип жатат», - деп билдиришти министрликтен. - Чек ара аймактарында 8 мектеп, 3 бала бакча жабыркаган. Азырынча билим берүү мекемелери калыбына келтирилип жатканда, балдар онлайн окутууга өтөт. Бирок кагылышуулардын натыйжасында бир катар уюлдук операторлордун мунаралары жабыркап, аймакта байланыш үзгүлтүккө учурап жатканы факт. Уюлдук компаниялар көйгөйлөрдү чечүү үстүндө иштеп жатышат жана биз бардык балдар мүмкүн болушунча тезирээк окуусун улантууга аракет кылабыз.
Билим берүү министрлиги билдиргендей, чек арадагы жаңжал учурунда декреттик өргүүдө жүргөн бир мугалим октон жаракат алган.
«Ал азыр ооруканада», - деп билдирди басма сөз кызматы. - Согуш жүрүп жаткан мектептердин калган мугалимдери боюнча маалымат такталууда. Бизге жеткен маалыматтарга караганда, алардын баары жайында.
Михаил Готфрид
Сүрөт www