Марат Иманкулов: Биз бүткүл дүйнөлүк коомчулуктун көңүлүн кошуна өлкөнүн кара ниет баскынчылыгына жеткиребиз

Коопсуздук кеңешинин катчысы Марат Иманкулов бүгүн маалымат жыйынында Кыргызстан чек араны делимитациялоо маселесин эч качан күч менен чечүүнү көздөбөгөнүн билдирди.

«Мен Кыргызстандын чек араларды делимитациялоо маселесин күч менен чечүүгө эч качан ниети болгон эмес деп айткым келет», - деди Иманкулов. «Бул эч кандай жакшылыкка алып келбеген туюк жол. Бул маселелер тынчтык жол менен коншулук жана бир туугандык жол менен — суйлөшуулөр столунда чечилууге тийиш.

Ал ошондой эле кыргыз элине да, тажик элине да тынчтык керек экенин белгиледи.

«Биздин Тажикстандын элине эч кандай дооматыбыз жок, алар чагымчыл, аскерий аракеттерди жасашпайт, буга белгилүү саясий чөйрөлөрдүн тиешеси бар», - деп баса белгиледи Коопсуздук кеңешинин башчысы. — Кыргыз элине да, тажик элине да тынчтык керек.

Кошумчалай кетсек, Марат Муканович 30 жылдан бери Кыргызстандын тарыхында мындай масштабдуу агрессия болбогонун кошумчалады.

«Эгемендүүлүктүн 30 жылдык тарыхында мынчалык масштабдуу агрессия болгон эмес», - деп улантты ал. «Ошондуктан, биз бүткүл дүйнөлүк коомчулуктун көңүлүн кошуна өлкөнүн кара ниет баскынчылыгына жеткиребиз. Керек болсо БУУнун трибуналына кайрылабыз.

сүрөт www