«Эмне, силер эле иштейсиңерби? Ал эми министрлер кабинети иштебей жатабы?!”. Акылбек Жапаров депутаттар менен уруша кетти

Жогорку Кеңештин жыйынында депутат Акылбек Түмөнбаев министрлер кабинетинин мүчөлөрү так маалымат бербей жатат деп сынга алды.

— Учурда Баткен облусунда канча үй курулду? – деди депутат министрлер кабинетинин башчысы Акылбек Жапаровго. - Эгерде министр да, министрлер кабинетинин төрагасы да так маалыматты билбесе, анда эмне үчүн кабинеттин мүчөлөрү бүгүнкү жыйынга отчет менен келишти?

Ошондой эле, депутат Камила Талиева бул суроого жоопту жетекчилер билбегендиктен, өзү так маалымат берүүгө даяр экенин билдирди.

- Мен кесиптешим менен тилектешмин, - деди элдин тандоосу. - Так маалымат жок болсо, эмне үчүн министрлер кабинетинин мүчөлөрү келишти? Кандай жооп - үйлөрдү талкалаган жокпуз. Анан эмне, аларды жашоочулар өздөрү жок кылыштыбы же буга алар күнөөлүүбү?

Мындай сын Акылбек Жапаровдун кыжырын келтирди.

«Мен сиздер менен кеңири маалымат, конкреттүү сандар менен сүйлөштүм», - деп нааразычылыгын билдирди министрлер кабинетинин башчысы. - Уккан жоксуңбу? Же экөөңөр эле иштейсиңерби, министрлер кабинети эч нерсе кылбай жатабы? Бакыт Эргешович баяндамасын бир нече күн даярдадың, бирок силер өзүңөр баяндамага убакытты кыскартып койдуңар.

Өз кезегинде депутат Шайлообек Атазов Акылбек Жапаровго парламентарийлердин айткандарына комментарий бербей, маалымат берүүнү сунуштады.

- Акылбек Үсөнбекович, мен сизден депутаттардын суроолоруна комментарий бербей, конкреттүү жана так маалымат берүүңүздү суранам, - деди Атазов. - Бизде көп суроолор бар. Алардын айрымдары коркутуп да коюшу мүмкүн.

Ислам Жолдошов
сүрөт www