Депутат Өзбекстандан келген эмгек мигранттарынын иштөө уруксатын кантип узартса болорун сурады
ТИМ өкүлдөрү бул Эмгек министрлигинин компетенциясына кирет деп түшүндүрүштү
Бүгүн Жогорку Кеңештин жыйынында депутат Аманкан Кенжебаев Өзбекстандан келген эмгек мигранттарынын иштөө мөөнөтүн кантип бир жылга чейин узартса болорун сурады.
«Биздин жарандар чет өлкөгө иштегени кетип жатышат, бирок ошол эле учурда Кыргызстандын аймактарына жумушчулар керек», - деди ал Тышкы иштер министрлигинин өкүлдөрүнө кайрылып. — Өзбекстандан келген эмгек мигранттары айыл чарба тармагында иштөөгө даяр. Бирок, алардын 60 күндүк уруксаты бар. Өзбекстандан келген эмгек мигранттарынын иштөөгө уруксаты кантип бир жылга узартылышы мүмкүн? Муну ким кылып жатат?
Өз кезегинде Тышкы иштер министрлигинин өкүлдөрү Эмгек, социалдык коргоо жана миграция министрлиги бир пикирге келиши керек деп түшүндүрүштү.
- Учурда Өзбекстандын жарандарында 60 күндүк уруксат кагазы бар, - дейт ТИМ өкүлү. - Алар бул мөөнөттөн кийин чыгып, кайра киришсе болот. Эгерде бир жылга жумушка тартуу керек болсо, анда Эмгек, социалдык коргоо жана миграция министрлиги сүйлөшүп, макулдашы керек. Биз муну кылбайбыз.
Ислам Жолдошов
Сүрөт www