Сот журналистти массалык баш аламандык уюштурууга күнөөлүү деп тапты
Казино ачууга каршы чыккан Адилет Балтабай үч жылга шарттуу түрдө көзөмөлгө алынды
Адилет Балтабай деген каймана ат менен таанылган журналист Адилет Али Мыктыбек массалык баш аламандыктарды уюштурууга айыптуу деп табылды. Бул тууралуу Бишкектин Биринчи Май райондук сотунун басма сөз кызматы билдирди.
Такталгандай, соттолгон адам беш жылга эркинен ажыратылган, бирок КР Кылмыш-жаза кодексинин 82-беренесине ылайык, үч жылдык мөөнөткө пробациялык көзөмөл колдонулган.
«Адилет Али Мыктыбекке карата баш коргоо чарасы камакка алуу түрүндөгү баш коргоо чарасы өлкөдөн чыкпоо тууралуу жазуу жүзүндөгү көрсөтмөгө өзгөртүлдү. Ал сот залында камактан бошотулду. Өкүм мыйзамдуу күчүнө киргенден кийин ал жерден чыкпоо тууралуу жазуу түрүндөгү баш коргоо чарасы жокко чыгарылат», - деп жыйынтыктады сот.
Эске салсак, журналист 1-июлда Бишкек шаардык ички иштер башкы башкармалыгынын убактылуу кармоочу жайына киргизилген – ага КР Кылмыш-жаза кодексинин 278-беренеси “Массалык баш аламандык” боюнча айып тагылган. Балтабай Кыргызстанда казино ачууга каршы болгон.
Сүрөт www
