Депутат Транспорт министрлигинен тендердин шарты боюнча унаа тетиктерин төлөөнү талап кылды
Кундузбек Сулайманов белгилегендей, жеткирүүчүлөр жеткирилген товар үчүн акча ала алышпайт
Бүгүн Жогорку Кеңештин жыйынында депутат Кундузбек Сулайманов Транспорт министрлигинен карызды төлөөнү талап кылды.
“Мага Транспорт министрлигинин жол тейлөө кызматына авто тетиктерди алып келүү боюнча тендерди утуп алган фирмалардын өкүлдөрү кайрылышат”, - деп депутат Транспорт министринин биринчи орун басары Нурланбек Кайынбаевге кайрылды. - Тетиктер алынат, бирок акча которулбайт. Ал эми бул бир нече жылдан бери уланып келе жатат. Жеткирүүчүлөр салыкты төлөй албай, үстөк пайыздарды алып жатышканына нааразы. Ошондой эле алар мурдагы карызын төлөбөгөндүгү үчүн унаа тетиктерин бербей коюшу мүмкүн эмес, анткени тендердин шарты боюнча алар тетиктерди жеткирүүгө милдеттүү. Карыздарды жабуу, төлөө.
Ислам Жолдошов
сүрөт www