Эколог Бишкек мэриясынын таштанды чыгарууну көтөрүү планы коррупцияны күчөтөт деп кооптонууда

Бишкек мэриясы таштанды чыгаруу үчүн тарифтерди көтөрүүнү пландап жатканын борбор калаанын турак жай-коммуналдык чарба боюнча вице-мэри Жыргалбек Шамыралиев маалымат жыйынында билдирди. Анткен менен экологиялык активист Влад Ушаковдун айтымында, тарифтердин көтөрүлүшү бул тармакта өкүм сүргөн коррупциянын күчөшүнө алып келет.

- Тарифтердин көтөрүлүшү Бишкектин таштанды чыгаруунун абалынын жакшырышына эч кандай таасир этпейт, - деп ишенимин билдирди ал Vesti.kg сайты менен болгон маекте. - Чынында эле баалар өсүп жатат. Бирок таштандыларды ташуу, сактоо жана жок кылуу бир катар саясатчылардын, чиновниктердин жемине айланганын унутпашыбыз керек. Маселен, бул тууралуу өткөн шайлоо жарышында экс-мэр Нариман Түлеев айткан. Ошондуктан бизди таштанды мафиясы башкарып жатат, ар дайым кандайдыр бир шылуундар, коррупциялык схемалар болуп жатат. Биринчиден, тартипке салышсын, бул схемаларды алып салышсын. Болбосо тарифтер көтөрүлдү, элден акча алынды – бирок эч нерсе өзгөргөн жок, миллиондордун ордуна коррупционерлер гана миллиарддарды чогулта башташты. Акча ышкырык менен учуп кете берет.

Ошол эле учурда Ушаков базардагы жеке жүк ташуучулардын санынын өсүшү да абалды жакшыртышы мүмкүн деп эсептейт.

«Албетте, бизге өз ишин сапаттуу аткара тургандар керек», - деди ал. - Тартип орногондон кийин, балким, тарифтерди көтөрүү керектир.

Михаил Готфрид
Сүрөт www