Бишкектин сөөк коюу кызматын көрсөтүү агенттигинин жетекчиси Кадырбек Атамбаевден 3 миллион сом өндүрүп берүүнү каалайт

Бишкектин сөөк коюу кызматын көрсөтүү агенттигинин муниципалдык ишканасынын жетекчиси Төрөхан Жунусбеков шаардык кеңештин депутаты Кадырбек Атамбаевди сотко берди.

«Мен Атамбаев таратып жаткан жалаадан тажадым», — деди Жунусбеков Vesti.kg сайтына. «Мен бир нече жолу Кадырбек Атамбаев жана анын досу Темирлан Султанбеков, ошондой эле Сейидбек Атамбаев менен сүйлөшүүгө аракет кылдым, бирок алар атайылап менден качышты. Ар-намысымды актоо үчүн мага сот гана калды.

БАРУнун башчысы Атамбаев айтып жаткан коррупциялык фактылар 2021-жылы болгонун, ал бул кызматка кийин келгенин кошумчалады.

«Балким, Кадырбек Атамбаев мен аркылуу мен саясатын колдогон президентибизге болгон ишенимди кетиргиси келип жатса керек», - дейт Жунусбеков. - Мен Атамбаевден жана жалган маалымат тараткан маалымат каражаттарынан моралдык зыяндын ордун толтурууну талап кылам.

Эске салсак, Төрөхан Жунусбеков Бишкектин мэрлигине келүүнү каалап, бирок кийинчерээк Балбак Түлөбаевдин талапкерлигин колдогон. Кошумчалай кетсек, ал 2020-жылдын октябрында президент Садыр Жапаровду колдоо митингдеринде болгон.

Активист “Мекенчил” партиясынын мүчөсү болгон жана “Кырк чоро” уюмунун ишмердүүлүгүн колдогон.

Өткөн жылдын март айында Төрөхан Жунусбеков MegaCom компаниясынын башкы директорунун кеңешчиси болуп дайындалган.

Бир жылдан кийин «Бишкектин сөөк коюу кызматы боюнча агенттикти» жетектеген.

Үстүбүздөгү жылдын октябрь айынын аягында БШКнын депутаты Кадырбек Атамбаев социалдык түйүндөрдө Жунусбековдун жетекчилиги астында БАРУ Бишкектин жабык көрүстөндөрүндөгү жерлерди сатуу боюнча коррупциялык схемаларды түзүп жатканын жазган.

Сүрөт www