Парламентте волонтердук ишмердүүлүктү жөнгө салуу боюнча мыйзам долбоору боюнча талаш чыкты

Бүгүн Жогорку Кеңештин жыйынында депутат Исхак Масалиев ыктыярчылардын ишмердүүлүгүн жөнгө салуу боюнча мыйзам долбоорун карап жатып, шайлоо учурунда ыктыярчылык менен алектенген саясий партиялар жоопкерчиликке тартылабы деген суроону койду.

«Мыйзам долбоорунда диний уюмдарга жана саясий партияларга волонтердук иш-аракеттерди жүргүзүүгө тыюу салынганы так жазылган», - деди парламентарий мыйзам долбоорунун демилгечилерине. - Кайсы бир саясий партия калкка бекер кызмат көрсөтсө, ал жоопкерчиликке тартылабы? Менимче, бул туура эмес. Калкка акысыз негизде жардам көрсөтуугө тыюу салууга болбойт.

Мыйзам долбоорунун демилгечиси депутат Балбак Түлөбаев мындай тыюу салуу саясий агитацияны болтурбоо үчүн киргизилгенин белгиледи.

«Бул тыюу салуулар саясий партиялардын агитациясын болтурбоо үчүн кабыл алынган», - деп түшүндүрдү Түлөбаев.

Мыйзам долбоорун талкуулоого элдин тандоосу Дастан Бекешев кошулду.

«Чоң партиялар үчүн бул анча деле маанилүү эмес, ал эми майда партиялар үчүн бул тоскоолдук болуп калышы мүмкүн», - деди парламентарий тиешелүү комитеттин төрайымы Винера Раимбачаевага. - Сиздердин “Ыйман нуру” партияңыз тоскоолдуктарды сезет. Мисалы, сиздин партияңыз кандайдыр бир иштерди аткарат, каржы булагын көрсөтүү талап кылынат. Эгер ал бекер болсо, анда сиздин андай кылууга укугуңуз жок. Ошондуктан мыйзам долбоорун кайра карап чыгуу үчүн комитетке кайтарууну сунуштайм.

Өз кезегинде Балбак Түлөбаев кесиптешин партияларга каршы чыкпоого чакырды.

— Дастан Далабаевич, эмне үчүн бир партияга каршы чыгасыз? – деп эл өкүлү ачууланды.

Өз кезегинде Дастан Жумабеков ыктыярдуу демилгелүү топторго мыйзамдуу каттоодон өтүү керекпи деп сурады.

- Мыйзам долбооруна ылайык, волонтердук уюмдар мыйзамдуу каттоодон өтүшү керек? парламентарий кесиптештерине кайрылды. - Эгер алар каттоого муктаж болсо, анда биз аларды кандайдыр бир иш кылуу каалоосунан кайтарып алабыз.

Көпкө созулган талаш-тартыштардан жана талкуулардан кийин мыйзам долбоору кайра карап чыгуу үчүн тиешелүү комитетке кайтарылды.

Ислам Жолдошов
сүрөт www