Депутат Айбек Осмонов эмне үчүн Кыргызстанда боорду алмаштыруу боюнча операциялар жок экенине кызыкты
Саламаттыкты сактоо министринин орун басары жакында, балким, мындай операциялар КРда да жасалаарына жооп берди
Бүгүн Жогорку Кеңештин жыйынында депутат Айбек Осмонов эмне үчүн Кыргызстанда боорду алмаштыруу операциясын жасай алышпай жатканын сурады.
- Эгемендүүлүк жылдарында боорду алмаштыруу операцияларын жасай тургандай ишти уюштура алган жокпуз, - деп элдин тандоосу Саламаттыкты сактоо министринин орун басары Тилек Мамадалиевге кайрылды. -Ушундай операциялар үчүн канчалаган жарандарыбыз чет өлкөгө чыгууга аргасыз болду. Эмне үчүн Кыргызстанда боорду алмаштырууга болбойт?
Өз кезегинде Саламаттыкты сактоо министрлигинин жетекчисинин орун басары бул багытта кандай иштер аткарылып жатканын айтып берди.
«Туура айтасыз, бул биздин жарандарга көптөгөн кыйынчылыктарды жаратууда», - деп макул болду чиновник. — Бизге окумуштуулар — мугалимдер жана Делиден медициналык университеттин ректору келишти. Кыргызстанда трансплантациялоо операцияларын жүргүзүү мүмкүнчүлүктөрүн талкуулап, карап жатабыз. Учурда биз мыйзам долбоорун иштеп чыгуудабыз жана жакында аны сиздердин карооңуздарга сунуштайбыз. Жакында ушундай операцияларды ишке ашыра алабыз деп ишенем.
Ислам Жолдошов
сүрөт www
