Жайыл Русланов Жогорку Кеңештин басма сөз кызматынын жетекчиси болду
Буга чейин бул кызматты ээлеген Эркинбек Каимов өз каалоосу менен иштен кеткен
Русланов Жайыл Русланович Жогорку Кеңештин аппаратынын Коомчулук жана ЖМК менен иштөө бөлүмүнүн башчысы болуп дайындалды. Бул тууралуу парламенттин басма сөз кызматынан билдиришти.
Белгилей кетсек, буга чейин бул кызматты Эркинбек Каимов ээлеп келген, ал өз каалоосу менен кызматтан кетти.
Жайыл Русланов 2015-жылы Кыргыз-Түрк “Манас” университетинин Коммуникация факультетинин Журналистика бөлүмүн аяктап (бакалавр), 2017-жылы К.Карасаев атындагы Бишкек гуманитардык университинин Журналистика факультетинин магистратурасын бүтүргөн. 2014-жылдан 2016-жылга чейин “Кыргыз Туусу” гезитинде кабарчылык кызматты аркалаган.
Ал эми 2016-жылдан бери Жогорку Кеңештин аппаратынын Коомчулук жана ЖМК менен иштөө бөлүмүндө консультант, улук консультант жана эксперт кызматтарында иштеп келет. Ошондой эле 2019-жылы Басма сөз кызматынын жетекчисинин орун басарынын милдетин аткарган.
Фото www