Камчыбек Ташиев: Жалал-Абадда эл аралык аэропорт курулат
Анын айтымында, Жалал-Абаддан дүйнөнүн каалаган жерине учууга болот
Келерки жылы Жалал-Абадда эл аралык аэропорттун курулушу башталат. Бул тууралуу УКМКнын башчысы Камчыбек Ташиев Жалал-Абад облусуна болгон иш сапарында жергиликтүү эл менен жолугушууда билдирди.
Анын айтымында, Жалал-Абаддан дүйнөнүн каалаган жерине учууга болот.
«Москва, Дубай жана Стамбулга каттамдар ачылат. Учурда адистер келечектеги аэропорттун долбоорун даярдап жатышат», - деди Ташиев.
УКМКнын башчысы ошондой эле шаардагы абак бузулуп, анын ордуна облустук акимчилик, мэрия, сквер, сейил бак курулаарын билдирди.
Мындан тышкары, Жалал-Абад шаарына олимпиадалык резерв мектебин куруп, борбордук стадионду реконструкциялоону пландап жатышат.
«Шаардын бардык көчөлөрү оңдолот. Жалал-Абад республикадагы эң үлгүлүү шаарга айланат», - деп кошумчалады Ташиев.
Фото www