УКМК Конституциялык соттун төрагасын кызмат абалын кыянаттык менен пайдаланган деп шектеп жатат
Ага жана мекеменин бир катар кызмат адамдарына каршы кылмыш иши козголду
Кыргыз Республикасынын Конституциялык сотунун төрагасы жана башка кызмат адамдары тарабынан кызмат абалын кыянаттык менен пайдалануу, ошондой эле Кыргыз Республикасынын мыйзамдарын одоно бузуу фактылары аныкталды. Бул тууралуу УКМКнын маалымат кызматы кабарлады.
Атайын кызматтын маалыматына ылайык, Конституциялык соттун төрагасы жана башка жетекчи кызмат адамдары өздөрүнүн кызматтык ыйгарым укуктарын мамлекеттин кызыкчылыгына каршы пайдаланып, Конституциялык соттун судьяларынын чет өлкөлүк иш сапарларына арналган чакыруу каттарын жашырып, аларды өздөрүнүн жеке кызыкчылыгына, ошондой эле чет өлкөлүк сапарларга жакын туугандарын чыгаруу максаттарына пайдаланышкан.
Бул фактылар боюнча КР УКМК тарабынан КР Кылмыш-жаза кодексинин 337-беренесинин 2-бөлүгүндө (“Кызмат абалын кыянаттык менен пайдалануу”) каралган кылмыштардын белгилери боюнча кылмыш иши козголду.
Фото www