КРнын Башкы прокурору эки жаңы орун басарлуу болду
Тиешелүү буйруктарга президент кол койду
Кыргызстандын башкы прокурорунун эки жаңы орун басарлары дайындалды. Тиешелүү буйруктарга президент Садыр Жапаров кол койду.
Атап айтканда, Мирбек Расулов Башкы прокурордун орун басары - Кыргыз Республикасынын Аскер прокурору болуп дайындалды.
Буга чейин бул кызматты Сагындык Мукашов аркалап келген. Президенттин буйругу менен ал Башкы прокурордун орун басары – Кыргыз Республикасынын Аскер прокурорунун кызматынан бошотулду.
Ошондой эле, Садыр Жапаров койгон дагы бир жарлыкка ылайык, Улан Айтбаев Кыргыз Республикасынын Башкы прокурорунун жаңы орун басары болуп дайындалды.
Ал бул кызматка Курманбек Токтокуновдун ордуна келди.
Фото www
Бизди Телеграм каналыбыздан окуңуз