Даккадагы өрттө адам өлүмүнө байланыштуу Садыр Жапаров Бангладештин премьерине көңүл айтты
Ресторандагы өрттүн кесепетинен 40тан ашуун адам каза болгон
Садыр Жапаров кечээ Бангладештин премьер-министри Шейх Хасинага көңүл айтуу телеграммасын жөнөттү.
"Ушул жылдын 29-февралында Дакка шаарындагы соода борборунда болгон ири өрттүн кесепетинен көптөгөн адамдар каза болду жана жабыркады деген суук кабарды терең кайгыруу менен кабыл алдым. Каза болгондордун туугандарынын жана жакындарынын аза кайгысын тең бөлүшүп, Кыргызстан элинин жана жеке өзүмдүн атымдан көңүл айтам, ал эми жаракат алгандардын тезирээк сакайып кетүүсүн каалайм", - деп айтылат телеграммада.
Өрт жети кабаттуу үйдүн ресторанында чыккан. Өлкөнүн Саламаттыкты сактоо министрлигинин маалыматы боюнча, кеминде 43 адам, анын ичинде аялдар жана балдар каза болуп, дагы ондогон жабырлануучулар күйүк бөлүмүнө жеткирилген.
Фото WWW