Ферганада кыргыз-өзбек чек арасын демаркациялоо боюнча жумушчу топтун жыйыны өттү
Сүйлөшүүлөр достук жана өз ара түшүнүшүү маанайда өттү
22-27-июль күндөрү Өзбекстандын Фергана шаарында кыргыз-өзбек чек арасын демаркациялоо боюнча комиссиянын жыйыны өттү. Бул тууралуу 28-июлда Министрлер кабинетинин басма сөз кызматы билдирди.
Жолугушууда кыргыз-өзбек чек арасынын Жалал-Абад жана Баткен облустарындагы жана Өзбекстандын Наманган жана Фергана облустарына чектеш жайгашкан айрым участоктордо талаа изилдөө иштери жүрдү.
“Сүйлөшүүлөр достук жана өз ара түшүнүшүү маанайда өттү. Иш-чаранын жыйынтыгында тиешелүү протоколго кол коюлду. Жумушчу топтордун кийинки жолугушуусу Кыргызстандын аймагында өтөт”, - деп жазылган маалыматта.
Демаркация - мамлекеттик чек ара сызыгын жеринде белгилөө, атайын чек ара белгилерин коюу.
Өзбекстан менен чек аранын жалпы узундугу 1314 чакырым, анын баары такталып бүткөнү айтылган.