Бишкектин Октябрь районунда шайлоо боюнча штабдын отуруму өттү

Бишкектин Октябрь акимчилигинде 17-ноябрга белгиленген жергиликтүү кеңештердин депутаттарын шайлоого даярдык көрүү боюнча штаб жыйыны өттү.

Муниципалитеттен билдиришкендей, жыйында шайлоо өнөктүгүнүн жүрүшүндө КР мыйзамдарынын сакталышы, материалдык-техникалык жактан камсыздоого даярдыктар талкууланды.

Жыйынга райондун акими Жаныбек Орозалиев, БАШКнын төрагасы Бахадыр Конуров, Октябрь райондук ички иштер бөлүмүнүн өкүлдөрү катышты.

Штабдын жыйынынын жыйынтыгында райондун акими шайлоо участкаларынын кураторлоруна материалдык-техникалык жактан камсыз кылууну көзөмөлгө алуу милдетин койду.