Ширин Айтматова: Эгерде «Үмүт 2020» иликтөөлөрүн улантса, менин күйөөмө СИЗОдон кал салуу болушу мүмкүн
Экс-депутат Ак үйдүн коңгуроосу менен чечим чыгарган соттордун адилеттүүлүгүнөн үмүтүн үзгөнүн жашырган жок
Биринчи май райондук сот кечээ ЖКнын экс-депутаты Ширин Айтматованын жарандык күйөөсү - Сыргак Кенжебаевди камакка калтырды. Бул тууралуу Vesti.kg сайтына Айтматова өзү бөлүштү.
Анын айтымында анда адилет соттук системага ишеним калган жок.
- Жолдошумдун соту боюнча эмне дээримди деле билбей калдым, - деди мурдагы эл өкүлү. - Соттук системадан адилеттүүлүктү күтпөй деле калдым. Соттун бардык чечимдери Ак үйдүн 7-кабатынын коңгуроосу менен чечилген өлкөдө башкача чечим болмок да эмес.
Мындан сырткары, Айтматова алардын «Үмүт 2020» кыймылы иликтөөлөрүн чыгарууну улантса, Кенжебаевге карата зомбулук кылынышы мүмкүн деген пикирде.
- Албетте, бул мага саясий кысым көрсөтүү ыкмасы, - деди ал. - «Үмүт 2020» иликтөөлөрүн улантса, абактагы күйөөмө кол салуулар болушу мүмкүн.
Буга чейин Биринчи май райондук соту Кенжебаевди 2020-жылдын 20-апрелине чейин камакка калтырган. Жактоочу тарап бул чечимге каршы даттануу менен кайрылып, бирок, чечим өзгөрүүсүз калган.
Эске салсак, 19-декабрда Сыргак Кенжебаев Алматы шаарынын аэропортунан кытай ишкеринин арызынын негизинде алдамчылыкка шектелип кармалган. Айтматова күйөөсүнүн камалышын «Үмүт 2020» кыймылынын ишмердүүлүгү менен байланыштырып келет.
Эльдос Казыбеков
Фото www