1 -сентябрдан баштап Россия Кыргызстан менен болгон авиакаттамын кайрадан жанданта башташы мүмкүн
Көпчүлүк КМШ өлкөлөрү менен болгон авиакаттамдар үзгүлтүксүз иштеп башташы күтүлүүдө
Сентябрь айынын башында коңшу мамлекеттерге жүргүнчү аба каттамы кайрадан жанданат, деп билдирет РИА Новости Россиянын Туристтик операторлор ассоциациясынын "Вестник АТОР" басылмасына шилтеме берип.
Маалыматка караганда, 1-сентябрдан тарта авиакомпаниялар КМШ өлкөлөрүнүн көпчүлүгүнө, анын ичинде Казакстан, Тажикстан, Кыргызстан жана Арменияга туруктуу каттамдарды аткара башташат.
Адистердин айтымында, мындай чечимдин бир нече себеби бар. Биринчиден, Россияда коронавируска байланыштуу жагдай турукташты. Мындан тышкары, сентябрда өлкөдө COVID-19 вакцинасынын коммерциялык өндүрүшү башталат.
Шериктештик өлкөлөрүндө эпидемиологиялык абал жакшырды. Мындан тышкары, алар Россиянын гуманитардык жана ишкердик байланыштарын калыбына келтирүүгө жардам берген Россиянын вакцинасын сатып алууну көздөп жатышат.
Коронавирустун пандемиясынан улам, Россия 27-марттан баштап башка мамлекеттер менен туруктуу жана чартердик рейстерди токтотту. Чет өлкөдөн россиялыктарды (ошондой эле Россиядан келген чет өлкөлүктөрдү), ошондой эле жүктөрдү, почта, медициналык жана башка көптөгөн рейстерди алып салган учурлар болгон.
булак https://ria.ru/20200813/1575734182.html
Фото www