Мадумаров Бакир уулу жөнүндө: Ал Суваналиевге телефон чалып чыр чыгара баштаган. Адам мындай болот деп ойлогон да эмесмин
"Бүтүн Кыргызстандын" лидери мурдагы Акыйкатчы менен болгон чырдын чоо-жайын ачыкка чыгарды.
“Бүтүн Кыргызстан” партиясынын лидери Адахан Мадумаров экс-парламенттин депутаты, мурунку акыйкатчы Турсунбай Бакир уулун саясий бирикмеге чакырганда, кийин аларды сотко берем деп ойлобогонун айтты. Бул тууралуу саясатчы журналисттер менен жолугушууда билдирди.
“Кыргыз эли ким депутат болорун чечиши керек. Бирок, тилекке каршы биздин убактыбызды жана нервибизди алган бир катар процедуралар бар.
Ал эми Турсунбай Бакир уулу жөнүндө айтсам, мен аны жакшы ниет менен чакыргам. Ал гана эмес бизди таштап кетти. Бирок башкалары айрым маселелер боюнча ар кандай позициялардан улам, эркекче кетип калышты. Бул адам (Турсунбай Бакир уулу - редактордун эскертүүсү) өзүн туура эмес алып жүргөн. Ал башында жаман ниет менен кирген деп эсептейм. Ал Өмүрбек Суваналиевге телефон чалып, биз тизмени тапшыра элек кезде чыр-чатак башталды.Телефон аркылуу бизди сотко берем деди. Кандай максат менен? Генерал андан келип, көйгөйдү талкуулоону өтүндү. Бакир уулу сотто жолуга тургандыгыбызды белгилеп, баш тартты. Адам мындай болот деп ойлогон да эмесмин. Өзүңүз ойлонуп көрсөңүз, сизди сотко бере турган адамды тизмеге кантип киргизсе болот?
БШКдан бизде мыйзам бузуулар барбы деп сурадык. Бизге жок деп жооп беришти. Бул кечээ тастыкталды. Шайлоого Бүтүн Кыргызстан катышат ”, - деди Адахан Мадумаров.
Эскерте кетсек, кечээ БШК мүчөлөрү “Бүтүн Кыргызстан” партиясынан депутаттыкка талапкерлердин тизмесин каттоодон баш тартпаганы белгилүү болду.
Буга чейин саясий бирикменин мүчөсү Турсунбай Бакир уулу мыйзам бузууларды жарыялаган. Анын айтымында, талапкерлердин тизмеси бурмаланып, анын аты-жөнү депутаттыкка талапкерлердин алдыңкы жыйырма тизмесинен мыйзамсыз чыгарылган
Медина Купсулдаева
Фото www
