Исхак Масалиев: "Бүтүн Кыргызстан" партиясы боюнча БШКнын чечими - бул жөн гана мыйзамсыздык!
Экс-депутат аны ушул боюнча калтырбайбыз деди
БШК “Бүтүн Кыргызстан” партиясына байланыштуу мыйзамсыз жана негизсиз чечим чыгарды. Мындай пикирин Vesti.kg сайтына ушул партиянын курамында шайлоого барууну көздөгөн экс-депутат Исхак Масалиев билдирди.
- Бул жөн гана мыйзамсыздык! - деп ачууланды. - "Бүтүн Кыргызстан" партиясынын катышуу маселеси БШКда кандай себептен эки жолу каралды? Алгач комиссия бул саясий бирикме шайлоого барат деп чечип, эртеси бул маселени кайрадан карап чыгып, тескери чечим кабыл алышкан. Албетте, биз мындай жыйынтыкка каршы чыгабыз. Ушундай нерсени жөн эле таштап койсо болбойт.
Эске салсак, буга чейин Vesti.kg сайтына Борбордук шайлоо комиссиясы “Бүтүн Кыргызстан” партиясын шайлоого катыштырбоо чечими кабыл алынгандыгы айтылган. Каттоодон баш тартуунун себеби, саясий бирикменин курултайында кабыл алынган тизмеден айырмаланган депутаттыкка талапкерлердин акыркы тизмеси болду. БШК бул маселени эки күндүн ичинде эки жолу карап, биринчи чечим партиянын пайдасына чечилгени көңүлдү бурат.
Вероника Малышева
Сүрөт www