Алмазбек Атамбаев колонияга тезирээк которулушун каалайт

Бүгүн Алмазбек Атамбаевдин тарапкерлери экс-президентти туулган күнү менен куттуктоого ниеттенүүдө. Бул тууралуу депутат Ирина Карамушкина Vesti.kg сайтына билдирди.

"Тилекке каршы, мен жолугушууга бара албайм, анткени мен шайлоо өнөктүгүнүн алкагында телекөрсөтүүгө чыгышым керек болчу", - деп түшүндүрдү ал. - Бүгүн ага Асел Кодуранова жана кечедеги жигиттерибиз барат. Менин кесиптештерим Алмазбек Шаршеновичке видео кайрылуу жаздырууну каалашты. Бүгүн мен куттуктоону жубайы аркылуу жеткирем.

Ирина Юрьевна Алмазбек Атамбаев менен эки жума мурун жолукканын кошумчалады.

"Ал жакшы карманат, өжөрлүк аны таштабайт" деди ал. - Алмазбек Шаршенович менен жолуккан сайын ал кетирген катасына өкүнгөнүн айтат. Бирок ал шайлоодо эл биздин партияга добуш берет деп ишенет. Ал бизди күрөшкө чакырат. Башка партияга салыштырмалуу, биз андай шартта эмеспиз. Жада калса телекөрсөтүүгө же агитатор жалдаганга акчабыз жок. Алмазбек Шаршенович өзү колонияга которулушун каалайт, ал жакта жок дегенде ары бери басса  болот. Камерада отуруу кыйын. Ырас, ал башка соттолгондор менен баарлашууга уруксат берилээрине ишенбейт -  ал мамлекеттик сырды алып жүрүүчү.

Өз кезегинде КСДПнын төрагасынын орун басары Кундуз Жолдубаева социалдык тармакка КСДП партиясынын мүчөлөрү Алмазбек Атамбаевди туулган күнү менен куттуктоо үчүн УКМКнын имаратына келишкенин жазды. Аны менен бирге депутаттар Асел Кодуранова, Мурадыл Мадеминов жана Мухтар Айнакулов болушкан.

Вероника Малышева
Фото www