Өмүрбек Суваналиев: Сооронбай Жээнбеков Бабановду колдогонум үчүн мага таарынды
Генерал ага Коопсуздук Кеңешинин башчысынын орун басары кызматы кандайча сунушталгандыгын айтып берди
Өмүрбек Суваналиевге Коопсуздук Кеңешинин төрагасынын орун басарлыгы убактылуу сунушталып, кийинчерээк башка жумуш таап берем деп убада беришкен. Бул тууралуу ал журналист жана блогер Майраш Базлакунова менен YouTube каналындагы маегинде билдирди.
Суваналиевдин айтымында, ал Коопсуздук Кеңешине өз салымын кошкусу келген жана ошондуктан президент сунуш кылган кызматка макул болгон.
«Жээнбеков эл тарабындамын, Атамбаевдин сөзүн укпайм дегенден кийин, мен бул командага кошулууга макул болдум. Мага ушул кызматта убактылуу болом, башка кызмат сунушталат деп айтышты, тилекке каршы, кырдаал менин багытымда өзгөргөн жок », - деди ал.
Ошондой эле, мурдагы ички иштер министри мамлекет башчы ага Өмүрбек Бабановду колдогону үчүн таарынганын мойнуна алды.
«Жээнбеков Бабанов тарапта болгонума мага таарындым деди. Мен аны 2019-жылы апрелде кайтып келүүнү каалаганда камакка албоону талап кылдым. Анткени, ал кармалса анда төңкөрүш болуп, анан мен эл тарапта болмокмун. Анын үстүнө Атамбаев өзүнүн Кой-Ташына отуруп, Бабановдун келишин күттү. Ошондо жарандык согуш башталат, мен бул жөнүндө эскертип, жогорку жетекчиликке өзүмдүн позициямды айттым », - деди саясатчы.
Гулиза Чудубаева
Сүрөт sputnik.kg