БШКнын мүчөсү: Аравандагы жаңжал бүгүн жумушчу топтун отурумунда талкууланат
БШК өкүлдөрү милициянын текшерүүсүнүн жыйынтыгын күтүп жатышат
"Мекеним Кыргызстан" партиясынын үгүт иш-чарасы учурунда Араван районундагы массалык мушташ БШКнын жумушчу тобунун отурумунда талкууланат. Бул тууралуу Vesti.kg сайтына БШКнын мүчөсү Бахтияр Кадыров билдирди.
Анын айтымында, жумушчу топ бул маселени талкуулагандан кийин шайлоо комиссиясынын мүчөлөрү кеңейтилген отурумда карай башташат.
"Бүгүн биз Аравандагы мушташ маселесин карайбыз" деди Кадыров. - Биз укук коргоо органдарына сурам жөнөттүк. Маселени жумушчу топто талкуулагандан кийин, кеңейтилген сессияга алып чыгабыз.
Бирок, Кадыров Аравандагы окуяларга баа бербей туруш керек дейт
"Биз Биримдиктин талапкеринин Араванда болгон-болбогонун далилдешибиз керек" деди ал. - Бул кошумча текшерүүнү талап кылган өтө курч маселе.
БШКнын дагы бир мүчөсү Гүлмира Журабаева дагы Vesti.kg сайтына билдиргендей, ал жана анын кесиптештери укук коргоо органдарынын текшерүүсүнүн аякташын күтүп жатышат.
"Биз ишти Араванда кароодон баш тартпайбыз", - деди ал. - Укук коргоо органдарынан маалымат күтүп жатабыз.
Эскерте кетсек, 20-сентябрда Араван районунда пикир келишпестиктердин натыйжасында “Мекеним Кыргызстан” партиясынын агитаторлору менен чогулган жергиликтүү тургундардын ортосунда массалык мушташ болгон.
- Уруштун натыйжасында 12 адам ооруканага кайрылышкан. Анын ичинен бешөө ооруканага жаткырылды. Калгандары керектүү медициналык жардамды алышып, үйлөрүнө кетишти. Мушташка катышкан 30 адамдын бардыгы суракка чакырылган.
Белгиленгендей, "Мекеним Кыргызстан" партиясынан депутаттыкка талапкер ошол эле күнү кечинде суракка чакырылган.
- Үчөө убактылуу кармоочу жайга камалды, - деп буга чейин Ош облусунун Ички иштер башкармалыгынан билдиришкен. - Сотко чейинки процесстер башталды. Алынган жаракаттардын оордугуна жараша соттук-медициналык экспертиза даярдалууда. Мындан тышкары, беш унаа бузулган.
Премьер-министр Кубатбек Боронов Ички иштер министрлигинин жетекчилигине Ош облусунун Араван районундагы эки саясий партиянын өкүлдөрүнүн ортосундагы окуяны тез арада иликтөөнү тапшырды.
Элдос Казыбеков
Сүрөт www