Быйыл протездик-ортопедиялык буюмдар мекемеси тарабынан 2 миңден ашык жуп ортопедиялык бут кийим жана 749 протез даярдалды

Республикалык протездик-ортопедиялык буюмдар мекемеси, ушул жылдын 8 айдын ичинде 3039 ден-соолугунун мүмкүнчүлүгү чектелүү адамдарды тейледи.

Өткөн мезгилдин ичинде мекеме 2400 түгөй ортопедиялык бут кийим жана 749 протез чыгарган.

Министрликтин маалыматы боюнча, бүгүнкү күндө Республикалык протездик-ортопедиялык буюмдар мекемесинде 13 617 ден-соолугунун мүмкүнчүлүгү чектелүү адам каттоодо турат. Алардын ичинен: балдар – 5984, Улуу Ата Мекендик согуштун майыптары – 182, бут протездери менен  – 1345 жана кол протездери бар – 312 ден-соолугунун мүмкүнчүлүгү чектелүү адамдар.

КР ЭСӨМ басма сөз кызматы

Фото www