Бишкекте коменданттык саат 21: 00дөн 5: 00гө чейин созулат

Бишкекте коменданттык саат 21: 00дөн 5: 00гө чейин созулат. Бул тууралуу Бишкек комендатурасынын биринчи буйругунда айтылат.

"Коменданттык саат комендатурада иштегенмамлекеттик жана муниципалдык кызматкерлерди кошпогондо, бардык жарандарга жана жарандыгы жок адамдарга тийешелүү" деп айтылат.

Ошондой эле, буйрук төмөнкүлөрдү билдирет:

- Бишкек шаарынын аймагына жарандар жана жарандыгы жок адамдар үчүн кирүүнүн жана чыгуунун өзгөчө режими;

- Куралды, күчтүү химиялык жана уулуу заттарды сатууга тыюу салуу, күн сайын саат 18: 00дөн 9: 00гө чейин алкоголдук ичимдиктерди сатууга чектөө;

- Чогулуштарды, митингдерди, көчө жүрүштөрүн, демонстрацияларды жана пикеттерди, ошондой эле жана башка массалык иш-чараларды өткөрүүгө тыюу салуу;

- Эгерде ушул каражаттар учурдагы кырдаалды курчутуу үчүн колдонулса, көчүрмө жабдууларды жана телерадиоберүү жабдууларын, аудио жана видео жабдыктарын колдонуу.

Мындан тышкары, Бишкек комендатурасы төмөнкүлөргө укуктуу:

- стратегиялык объектилердин жана калктын жашоосун камсыз кылган объектилердин коомдук тартипти коргоого жарандарды тартууга;

- башка стационардык же убактылуу турак жайларды милдеттүү түрдө камсыз кылуу менен жашоо үчүн кооптуу аймактардан жарандарды убактылуу чыгарып салууга;

- жеке жарандардын белгилүү бир аймактан (үйдөн, батирден) белгиленген мөөнөткө чыгып кетишине тыюу салуу;

- продукцияны өндүрүү жана берүү боюнча ишканалардын жана уюмдардын пландарына өзгөртүүлөрдү киргизүүгө, ишканалардын, мекемелердин жана уюмдардын иштешинин өзгөчө режимин белгилөө, ошондой эле алардын чарбалык ишинин башка маселелерин чечүү;

- жумушчуларды жана кызматчыларды жумуштан өз каалоосу менен бошотууга тыюу салууга, жумуштан жүйөөлүү себептер менен бошотулгандан башка учурларда;

- Бишкек шаарынын аймагында байланышты колдонуунун атайын эрежелерин киргизүү;

- транспорт каражаттарынын кыймылын чектөө жана аларды текшерүүдөн өткөрүү;

- саясий партиялардын, бейөкмөт уюмдардын, массалык кыймылдардын, жарандардын көзкарандысыз бирикмелеринин кырдаалды нормалдаштырууга тоскоол болгон ишин токтото туруу;

- жарандардын массалык чогулган жерлериндеги документтерди текшерип, эгерде зарыл болсо, жарандардын курал-жарактын бар экендиги жөнүндө маалыматтарды камтуу менен, буюмдарды жана транспорт каражаттарын жеке текшерүүнү жүргүзүү;

- Жеке иш-чараларды (той, туулган күн жана башка өзгөчө учурларды) жөнгө салуу;

- Финансылык операцияларды жүргүзүүнү жөнгө салуу.