Массалык баш аламандык уюштуруу фактысы боюнча Фарид Ниязов дагы кармалды
"Тиешелүү тергөө-оперативдик иш-чаралар улантылууда"
Фарид Ниязов массалык баш аламандыкты уюштуруу фактысы боюнча кармалган. Бул тууралуу КР УКМКнын басма сөз кызматы билдирди.
"2020-жылдын 10-октябрында Бишкек шаарында массалык баш аламандыкты уюштуруу боюнча козголгон кылмыш ишинин алкагында тергөө буйругунун негизинде УКМК тарабынан Кыргыз Республикасынын Ички иштер министрлиги менен биргеликте жүргүзүлгөн ыкчам-издөө иш-чараларынын натыйжасында Фарид Ниязов кармалды", - деп айтылат маалыматта.
Учурда ведомстволор аралык тергөө-ыкчам тобу тарабынан бул кылмыштын башка шериктерин аныктоого жана камакка алууга багытталган тиешелүү тергөө-оперативдик иш-чаралар улантылууда.
КР УКМКнын басма сөз кызматы
Сүрөт www
Бизди Телеграм каналыбыздан окуңуз