Митингчилер 4 автобус менен Ысык-Көл мейманканасына келишти (видео)

Сооронбай Жээнбековдун кызматтан кетишин каалаган өкмөт үйүнүн алдындагы митингчилер Ысык-Көл мейманканасына келип, калган митингчилерге кошулушту.

Буга чейин Эски аянттан кишилер менен 4 автобус чыгып кеткени айтылган.

Чоң Казат партиясынын лидери Сыймык Жапыкеев мейманкананын жанындагы эл менен сүйлөшүп, мүмкүн болгон чагымчыларга каршы чечкиндүү чаралар көрүлөрүн айтты.

- Биз бардык провокаторлорду катуу сындырабыз, биз бул жерде өлкө үчүн турабыз! - деди Жапыкеев.