Садыр Жапаров Казакстандын премьер-министри менен сүйлөштү
Тараптар Кыргызстан менен Казакстандын ортосундагы өз ара кызматташуусунун келечегин талкуулашты
Бир күн мурун Президенттин милдетин аткаруучу Садыр Жапаров Казакстандын премьер-министри Аскар Мамин менен телефон сүйлөшүүсү болуп өттү. Эки мамлекеттин өкүлдөрү учурдагы кырдаалды жана кызматташуунун келечегин талкуулашты. Бул тууралуу Казакстан Республикасынын өкмөтүнүн сайтында маалымдалды.
«Тараптар соода-экономикалык, транзиттик, транспорттук жана суу энергетикалык чөйрөлөрүндө кызматташуунун абалын жана келечегин талкуулашты. Ошондой эле ЕАЭБ интеграциялык бирикмесинин алкагында өз ара аракеттенүү маселелери жана COVID-19 жайылышына каршы күрөшүү тажрыйбасы каралды », - деп айтылат билдирүүдө.
Буга чейин, 29-октябрда Премьер-министр Аскар Мамин Нур-Султан шаарында Кыргыз Республикасынын Тышкы иштер министри Руслан Казакбаевди кабыл алган. Тышкы иштер министри кризистен кийинки мезгилде бюджетти колдоо үчүн каржылык жардам көрсөтүү мүмкүнчүлүгүн карап чыгууну суранды.
Сүрөт www