Клара Сооронкулова: БШК шайлоо күрөөсүн бизге кайтарып бере элек
Комиссиянын мүчөсү Абдыжапар Бекматов күрөөнү өндүрүү маселесин чечип жатышканын айтты
Реформа партиясы 5 миллион сом шайлоо күрөөсүн кайтарып бере элек. Бул тууралуу Vesti.kg сайтына саясий бирикменин лидери Клара Сооронкулова билдирди.
Анын айтымында, бул маселе боюнча комиссия ага кайрыла элек.
Ошол эле учурда, БШКнын мүчөсү Абдыжапар Бекматов Vesti.kg сайтына берген маегинде партиялар салынган каражатты мыйзамда жок болгондуктан, ала албай жаткандыгын айтты. Бирок, учурда күрөөнү тараптарга кайтарып берүүнүн зарыл жолдорун издеп жатышат.
"Конституциялык мыйзамда шайлоо өткөн жок деп табылса, шайлоо күрөөсүн партияларга кайтарып берүү жөнүндө жобо жок", - деди Бекматов. - Биз сунуштарыбызды парламентке бердик, айрым депутаттар тиешелүү мыйзамды демилгелеп жатышат. Каражаттарды аларга кайтарып берүүнүн бардык мүмкүн болгон жолдорун издеп жатабыз.
Эскерте кетсек, Конституциялык палатанын экс-судьясы БШКдан Реформа партиясына 5 миллион сом шайлоо күрөөсүн кайтарып берүүнү талап кылган.
«БШК мыйзамда мындай норма жок экендигин айтты. Бирок мен белгилей кетейин, бул биздин акча жана шайлоолор жараксыз деп табылгандыктан, аны кайтарып берүү керек. Көйгөй мыйзамда эмес, бюджетте акча калбай калгандыгында экендигин жокко чыгарбайм », - деди Сооронкулова.
Элдос Казыбеков
Сүрөт www