Инстаграмда кайсы президенттикке талапкердин катталуучулар эң көп ?

Кыргызстанда кезексиз президенттик шайлоо 10-январда өтөт. Vesti.kg сайтынын редакциясы Instagram социалдык тармагында мамлекет башчылыкка талапкерлердин кимиси эң популярдуу экендигин аныктоону чечишти.

1. Бабыржан Толбаев - 210 миң

Instagramдагы эң популярдуу президенттикке талапкерлердин бешөөсүнүн алдыңкысы ишкер Бабыржан Толбаев  эсептелет. Ал эң көп жазылуучуларга ээ. Талапкер алгачкы сүрөтүн 2016-жылы жарыялаган. 2017-жылдан баштап, ал кайрымдуулук иштери, спорт жана ишкердүүлүк менен алектенген басылмаларын жигердүү бөлүшө баштады. Эгерде сиз чыдамдуу болуп, анын эски басылмаларын барактап чыксаңыз, анда сиз бизнес баштоо боюнча көптөгөн пайдалуу маалыматтарды таба аласыз. Толбаев жеке жашоосун жашырбайт. Баракчадан анын жубайынын, балдарынын жана ата-энесинин сүрөттөрүн таба аласыз. Көбүнчө Толбаев ыр окуп жаткан видеосун жүктөйт.

2. Садыр Жапаров - 208 миң

Бирок ушул рейтингде экинчи орунду ээлеген Садыр Жапаровдун барагындагы биринчи жарыя 2015-жылы пайда болгон. Президенттикке талапкер үй-бүлөсүн коомчулукка ачык көрсөтүп, атасы менен балдарынын сүрөттөрүн көп бөлүштү. 2017-жылдын 25-мартында Жапаров кармалып, УКМКга жеткирилген. Ошол күндөн тартып 5-октябрга чейин Жапаровдун тарапташтары аны бошотууга чакырган видеолорду баракчасына жарыялашкан. Азыр президенттикке талапкердин аудиториясы чоң, бул анын баракчасында татыктуу активдүүлүктү камсыз кылат.

3. Имамидин Ташов - 134 миң

Имамидин Ташов Инстаграмга 2019-жылы кошулган. Анын "мазмунундагы" арстандын үлүшү ал адамдарга кайрымдуулук жардамын көрсөтүүчү басылмалардан турат. Кийин белгилүү болгондой, анын KG GROUP курулуш компаниясы, башка нерселер менен катар, каза болгон журналист Улан Эгизбаевдин үй-бүлөсүнө батир берген.

4. Мыктыбек Арстанбек - 71,1 миң.

Мыктыбек Арстанбектин баракчасы машыктыруучу аянтчаны элестетип, анда бизнес жана өзүн-өзү өнүктүрүү боюнча кеңештери менен бөлүшөт. Талапкердин негизги аудиториясы динге ишенгендер, анткени Арстанбек дин темасы боюнча ой бөлүшөт.

5. Адахан Мадумаров - 65,8 миң

Алдыңкы бештикти Адахан Мадумаров жабат. Ал өзүнүн баракчасын 2017-жылы жүргүзө баштаган. Мадумаров үгүт материалдары менен бөлүштү, ошондон бери ал Кыргызстандын президенттигине талапкерлигин койду. Талапкердин баракчасында анын ММКларга берген маектеринен үзүндүлөрдү көп таба аласыз.

Калган негизги мамлекеттик кызматка талапкерлер төмөнкүдөй орунду ээлешти:

6. Канатбек Исаев - 36,2 миң
7. Равшан Джээнбеков - 29 миң
8. Бактыбек Калмаматов - 26,4 миң.
9. Курсан Асанов - 23,1 миң
10. Аймен Касенов - 19,1 миң
11. Улукбек Кочкоров - 18,7 миң
12. Жеңишбек Байгуттиев - 14,7 миң
13. Клара Сооронкулова - 4,207
14. Элдар Абакиров - 4,151
15. Абдил Сегизбаев - 3,474
16. Каныбек Иманалиев - 3,025
17. Арстанбек Алай Абдылдаев - 1830
18. Рашид Тагаев - 749

Мираим Алмаспек кызы
сүрөт www