Тилек Матраимовго 220 миң сом айып салынды
Сот Кара-Суу районунун мурдагы башчысынын үй камагына чыгарган баш коргоо чарасын жокко чыгарды
Ош облусунун Кара-Суу районунун мурунку башчысы Тилек Матраимовго 220 миң сом айып салынды. Бул тууралуу Vesti.kg сайтына Ош облустук сотунан билдиришти.
Сот Матраимов өткөн жылы 6-октябрда саат 23: 30да Жалал-Абад облусунун Сузак районундагы көзөмөлсүз аймактар аркылуу мамлекеттик чек араны мыйзамсыз кесип өткөнүн эске салды. Андан кийин чек ара бөлүктөрү аны Өзбекстандын аймагында кармашкан.
Белгиленгендей, Тилек Матраимов Кыргыз Республикасынын Кылмыш-жаза кодексинин 1-бөлүгү 358 статьясы боюнча кылмыш жасаган.
Ошентип, Ош шаардык сотунун 2020-жылдын 22-октябрындагы өкүмү менен Матраимов 358-берененин 1-бөлүгү боюнча күнөөлүү деп табылып, ага 2200 эсептик көрсөткүч, б.а. 220 миң сом айып салынган.
Үй камагы түрүндөгү Тилек Матраимовдун баш коргоо чарасы өкүм мыйзамдуу күчүнө киргенге чейин өзгөртүүсүз калтырылды. Бул өкүм мыйзамдуу күчүнө киргенден кийин, үй камагына алуу түрүндөгү баш коргоо чарасы жокко чыгарылды.
Белгилей кетсек, Тилек Матраимов Мамлекеттик бажы кызматынын төрагасынын экс-орун басары Райымбек Матраимовдун жана парламенттин депутаты Искендер Матраимовдун бир тууганы.
Сүрөт www