Дастан Бекешев: КТРК президенттик башкаруу формасы үчүн үгүт иштерин жүргүзүп, мыйзамдарды тоготпой жатат

Кыргызстанда 10-январда президенттик шайлоо менен бир мезгилде референдум өткөрүлүп, эл парламенттик башкаруу формасына же президенттикке добуш берет. Мыйзамга ылайык, үгүт мезгилинде парламенттик жана президенттик кыймылдардын шайлоо фонддору БШК тарабынан түзүлгөн эки банк мекемесинде: “РСК Банк” ААК жана “Айыл Банк” ААКсында атайын эсеп ачууга милдеттүү.

Бирок, парламенттик республика боюнча топ гана үгүт жүргүзүү үчүн эсеп ачкан. Президенттик республика үчүн топ фонддун тышында үгүт иштерин жүргүзүп, ошону менен мыйзамдарды бузуп жатышат. Бул тууралуу Vesti.kg сайтына Жогорку Кеңештин депутаты Дастан Бекешев билдирди.

- Бардыгы мыйзам чегинде болушу керек, тагыраак айтканда, үгүт фондунун бюджетин жана чыгымдарын жөнгө сала турган атайын эсеп болушу керек, - деди эл өкүлү. - Биз мыйзамды карманабыз, демек, бизде мындай эсеп, башкача айтканда, парламенттик республиканы жактагандар бар. Бирок, президенттик республиканын агитаторлору эрежелерди четке кагышат: же алар өтө сабатсыз, же бардыгын мыкты түшүнүшөт, бирок үгүт иштеринин эрежелерин сакташпайт. КТРКда президенттик башкаруу формасын үгүттөгөн флешмобдор көрсөтүлөт. Бүгүн ушул маселе боюнча мен экинчи жолу КТРКга жана ага катышкан адамдарга арыз жөнөттүм. Буга чейин БШК КТРКны карап, парламенттик республикага арналган берүүнү өтүнгөн, бирок азырынча эч кандай чара көрүлө элек. Коомдук телеканалдын жетекчиси же башкы редактору айыпка жыгылышы керек деп ойлойм.

Мындан тышкары, Vesti.kg сайты КТРКнын Байкоочу кеңешинин мүчөсү Игорь Шестаков менен байланышты.

"Мен ар кандай башкаруу формасы боюнча үгүт иштери фонддун сыртында жарыяланбашы керек дегенге кошулам" деди ал. - Мындай кырдаал эмне үчүн болгонун билбейм, бирок биз бул маселени чечишибиз керек. Ошондой эле, КТРК эң ийгиликтүү экономикалык кырдаал эмес экендигин белгилегим келет, анткени кризис бизге дагы таасирин тийгизди.

Мираим Алмаспек кызы
сүрөт www