Артем Новиков: Шайлоонун жыйынтыгы өлкөдөгү туруксуздукка алып келбейт деп ишенээрин айтты.(видео)

Премьер-министрдин милдетин аткаруучу Артем Новиков Кыргызстандагы президенттик шайлоодо жана республикада башкаруу формасын аныктоо боюнча референдумда добуш берди.

Журналисттер менен баарлашууда Өкмөт башчынын милдетин аткаруучу шайлоонун жыйынтыгы өлкөдөгү туруксуздукка алып келбейт деп ишенээрин айтты.

- Жашыруун добуш берүү принциптерин жетекчиликке алып, мен өз тандоомду жасадым. Бул тандоо өлкөбүздүн келечектеги чыңдалышына жана өнүгүшүнө кызмат кылат деп ишенем, - деди Новиков. - Башаламандык болгон жок, бюллетендер так, каттоодо жана добуш берүүдө көйгөйлөр болгон жок, санитардык ченемдерди сактоо боюнча бардык чаралар да сакталды. Бул шайлоолор ачык жана айкын өтөт деп ишенем. Техникалык мүчүлүштүктөр болуп, талаа адистери иштешет. Дестабилдешүү болбойт, чоң мыйзам бузуулар байкалган жок деп үмүттөнөм.

Ошол эле учурда Новиков журналисттерге республикада кандай башкаруу формасына добуш бергенин айтуудан баш тартты.

Медина Купсулдаева
Манас Көлбаев
Сүрөт Vesti.kg