Бекназаров: Премьер мурда эле тандалган. Ташиевди расмий түрдө өкмөт башчысы кылып бекитиш керек
КРнын Малайзиядагы элчисинин айтымында бул дайындоо бардык критерийлерге жооп берет
Кыргызстандын Малайзиядагы элчиси Азимбек Бекназаров «Sayasat.kg» сайтына берген маегинде Камчыбек Ташиевди өкмөттүн жаңы башчысы катары расмий бекитүү керек деп билдирди.
«Өкмөттүн башчысы мурда эле тандалган. Формалдуу жагы гана калган. Октябрь революциясынан бери бизде Жапаров-Ташиев тандеминин өкмөтү иштеп келген. Жапаров президент болду, эми Ташиевди өкмөт башчы расмий түрдө бекитиши керек. Бул жерде эч кандай талаш-тартыш жок болсо керек. Жакында түзүлө турган өкмөт өткөөл өкмөт болот. Президенттик башкарууга толук өткөнгө чейин иштейт. Демек, Жапаров-Ташиев тандеми жаңы Конституция кабыл алынганга чейин бузулбашы керек.
Тескерисинче, учурдагы парламенттин тандемди колдоосу, аларга мүмкүнчүлүктөрдү түзүү пайда болуп жаткан туруктуулукту гана чыңдайт. Эгерде Ташиев премьер-министрдин креслосун ээлесе, анда ал түндүк-түштүк, идеологиялык жана партиялык биримдик, достук сыяктуу бардык критерийлерге жооп берет. Элге берилген патриот кесипкөй адис жагынан Ташиевдин атаандаштары жок. Ал муну Бакиев өкмөтүндө иштеп жатып далилдеп, бүгүнкү күндө иш жүзүндө көрсөтүп жатат. Ар бир жарандын бизнеси - Жапаров-Ташиев тандемине баштаган иштерин аягына чыгарууга мүмкүнчүлүктөрдү түзүү, колдоо көрсөтүү. Ооба, алардын отчетун угуу жана алардын ишине баа берүү үчүн 2021-жылдын октябрь айына атайын элдик курултай дайындоо керек ", - деди Бекназаров.
Сүрөт www