Депутат Турусбеков ИИМдин автоунааларды чет өлкөдөн мыйзамсыз ташып келген деп айыпталып жаткан чиновниктердин аты-жөнүн сурады
КМШ мүчөлөрүнүн унаа уурдоо менен күрөшүү боюнча макулдашуусуна өзгөртүүлөр кабыл алынды
Бүгүн парламентте КМШга мүчө мамлекеттердин автоунаалардын уурдалышына каршы күрөшүүдө жана алардын кайтарылышын камсыздоодо кызматташуусу жөнүндө келишимге өзгөртүү киргизүү маселеси каралды.
Депутат Бактыбек Турусбеков Ички иштер министрлигине кайрылды. Ал 2017-жылы чиновниктер чет өлкөдөн автоунаа уурдап кетүүгө тиешеси бар деген маалымат болгон учурду эске салды.
-Депутаттардын жана мамлекеттик чиновниктердин арасында ошол кезде мыйзамсыз унаа алган адамдар бар же жок экендигин билдиңизби? - деп сурады эл өкүлү. - Алардын аты ким? 2017-жылдан бери жыйынтык чыкпай жатканы таң калыштуу.
Ички иштер министрлигинин өкүлү бул иш боюнча жыйынтык болгон деп жооп берип, маалыматты Турусбековго жазуу жүзүндө жөнөтүүнү убада кылды.
Депутат Самат Исманов белгилегендей, чет өлкөлөрдөн унааларды уурдоодо негизги күнөө Мамлекеттик каттоо кызматы менен Бажы кызматында.
- Мамлекеттик каттоо кызматы жана Бажы кызматы автоунаалардын мыйзамсыз алынып келинишине жана экспорттолушуна көзөмөл жүргүзүшү керек, - деди эл өкүлү. - Биз аларды жоопко тартышыбыз керек. Эгер жөнөкөй адам башка өлкөдөн унаа алып келүүнү кааласа, анда ал документтеги эң кичинекей катадан улам да ала албайт. Демек, бардык күнөө Мамлекеттик каттоо кызматы менен Бажы кызматында. Биз аларды жоопко тартышыбыз керек.
ИИМ күнөөлүүлөрдү сөзсүз жоопко тартат деп жооп берди.
фото www